RU
EN
MTU tarixi
Bosh sahifaMTU tarixi
Qarshi temir yo‘lining tarixi 1885 yildan boshlab, mintaqaning iqtisodiy va ijtimoiy rivojlanishida muhim ahamiyat kasb etgan. Dastlab temir yo‘l loyihasi Buxoro amirligi va Rossiya imperiyasi diplomatlari ishtirokida kelishilgan.
1885
Ilk loyiha bitimi
1914
Qarshiga temir yo‘l kelishi
1970
Samarqand–Qarshi yo‘li qurilishi
2016
“Afrosiyob” Qarshiga qatnovi
Biz haqimizda
Qarshi temir yo‘lining tarixi – taraqqiyot sari yo‘l
1913–1917 yillarda Kogon–Qarshi va Qarshi–Kitob yo‘nalishlari loyihalari ishlab chiqildi. 1966 yilda Samarqand–Qarshi temir yo‘li qurilishi boshlangan va 1970 yilda foydalanishga topshirilgan. Mustaqillikdan so‘ng esa “O‘zbekiston temir yo‘llari” tarkibida Qarshi mintaqaviy temir yo‘l uzeli tashkil qilindi.
Mintaqa uchun zamonaviy, xavfsiz va qulay temir yo‘l xizmatlarini taqdim etish.
Markaziy Osiyoda ilg‘or, innovatsion va ekologik toza transport tizimini shakllantirish.
Yo‘lovchi va yuk tashishda barqarorlik, ishonchlilik va yuqori sifat kafolati.
Korxona tarixi
Korxona tarixidagi muhim voqealar
2016 - Qarshi-Termiz temir yo‘l uchastkalarini elektrlashtirish loyihasi doirasida bajarilgan ishlar
2016 yil 5 sentyabr kuni tezyurar “Afrosiyob” elektropoyezdi Toshkent–Samarqand–Qarshi yo‘nalishida muntazam qatnovni boshladi. Bu voqea Qashqadaryo viloyati aholisi uchun katta qulaylik yaratdi. Afrosiyobning qatnovi nafaqat vaqtni tejashga, balki mintaqaning turizm salohiyatini oshirishga ham xizmat qildi. Qarshi-Termiz temir yo‘l uchastkasida zamonaviy energiya tizimlari joriy etildi va yuzlab yangi ish o‘rinlari yaratildi.
2007 - Qarshi mintaqaviy temir yo‘l uzelining tarixi
2007 yil 24 avgust kuni O‘zbekiston Respublikasi Prezidenti Islom Karimov Toshguzar–Boysun–Qumqo‘rg‘on temir yo‘l liniyasining tantanali ochilish marosimida nutq so‘zladi. Uzunligi 223 km bo‘lgan ushbu temir yo‘l atigi 33 oyda qurib bitkazildi va belgilangan muddatidan ikki yil oldin foydalanishga topshirildi. Bu nafaqat muhandislik jihatidan yirik yutuq bo‘ldi, balki o‘zbek xalqining irodasini ham yaqqol namoyon qildi. Qattiq tog‘ jinslari, biyobonlar va baland hududlardan o‘tgan ushbu yo‘l mintaqaning transport infratuzilmasini keskin yaxshiladi.
1970 - Qashqadaryo viloyatiga temir yo‘lning kirib kelish tarixi
1966 yilda Samarqand–Qarshi temir yo‘lini qurish ishlari boshlangan. 4-yil davom etgan mehnat natijasida 1970 yilning may oyida ushbu temir yo‘l qurilishi muvaffaqiyatli yakunlandi. Bu loyiha Qashqadaryo viloyatini Samarqand orqali respublikaning boshqa hududlari bilan yanada mustahkam bog‘lashga xizmat qildi. Temir yo‘lning ishga tushirilishi mintaqada sanoat, qishloq xo‘jaligi mahsulotlari tashilishi va aholining tezroq harakatlanishi uchun muhim sharoitlar yaratdi.
1914 - Qashqadaryo viloyatiga temir yo‘lning kirib kelish tarixi
1914 yil 12 noyabr kuni Kogon-Qarshi temir yo‘l liniyasi qurilishi yakuniga yetib, temir yo‘l birinchi marta Qarshi shahriga yetib keldi. Bu voqea o‘sha davrda iqtisodiy va savdo aloqalarini rivojlantirish, shuningdek Buxoro amirligi hududini Markaziy Osiyodagi boshqa shaharlar bilan bog‘lash uchun juda katta ahamiyat kasb etdi. Yangi temir yo‘l orqali yuk va yo‘lovchi tashish ancha qulaylashdi va Qarshi shahri markaziy transport tugunlaridan biriga aylandi.
1885 - Qashqadaryo viloyatiga temir yo‘lning kirib kelish tarixi
1885 yil 25 iyun kuni Qarshi shahrida rus va Buxoro amirligi diplomatlari hamda elchilari ishtirokida Qashqadaryo va Surxondaryo hududlari orqali temir yo‘l qurilishi yuzasidan muhim bitim imzolandi. Bu voqea Qashqadaryo viloyati tarixida temir yo‘l transportining kirib kelishiga asos soldi. Shundan so‘ng viloyat hududida temir yo‘l liniyalarini loyihalash va qurish ishlari bosqichma-bosqich amalga oshirila boshlandi.
Rahbariyat
Rahbariyat a'zolari
Telegram kanalimizga qo'shiling va
qulayliklardan bahramand bo'ling
Hujjat holatlari, tabriklar, eslatmalar va real-time bildirishnomalar — barchasi sizga Telegram kanali orqali o'z vaqtida yetib boradi!
'Qarshi mintaqaviy temir yo'l uzeli' — yuk va yo'lovchi tashish, vagonlarni ta'mirlash, ehtiyot qismlar ishlab chiqarish va temir yo'l infratuzilmasini boshqarish bilan shug'ullanadi.