Qarshi–Kengsoy temir yo‘l uchastkasida keng ko‘lamli ko‘rik ishlari amalga oshirildi

“Temiryo‘linfratuzilma” AJ “Qarshi mintaqaviy temir yo‘l uzeli” filiali boshlig‘ining 2026-yil 18-maydagi 229-sonli buyrug‘iga muvofiq, filial tasarrufidagi korxona hamda stansiyalarda navbatdan tashqari ko‘rik va nazorat ishlari tashkil etildi. Shu asosda, 1-iyun kuni Qarshi–Kengsoy temir yo‘l uchastkasida harakat xavfsizligi va ekspluatatsiya jarayonlarini o‘rganishga qaratilgan tekshiruv ishlari amalga oshirildi. Ko‘rik tadbirlaridan ko‘zlangan asosiy maqsad: ✅ poyezdlar harakati xavfsizligini mustahkamlash, ✅ texnologik intizomga qat’iy rioya etilishini nazorat qilish, ✅ mehnat muhofazasi talablarining bajarilishini ta’minlash, ✅ hududlarning obodonlashtirilganligi va sanitariya holati, ✅ korxona va qurilmalarning texnik holatini baholashdan iborat. Mazkur tekshiruv ishlari “Qarshi MTU” filiali boshlig‘i M.X.Mirzayev boshchiligidagi komissiya tomonidan olib borilmoqda.