Texnologik OKNO ishlari o'tkazildi

“O‘zbekiston temir yo’llari” AJ bosh muhandisi Sh.T. Kadirovning 404-YH-sonli farmoyish ijrosini ta’minlash maqsadida, joriy yilning 13-oktabr kuni Toshg'uzor-G'uzor temir yo'l stansiyalari oralig'ining 37-kilometri 9-piketida, yuqori tezlikdagi yo’lovchi poyezdlar harakatlanuvchi temir yo’l uchastkalarida mahalliy aholi va chorva mollari temir yo’llarini xavfsiz kesib o’tishi maqsadida, 2,3x2,0 metr o’lchamdagi temir beton tunnel qurish ishlari amalga oshirildi. Mazkur ishlar belgilangan tartibda, amaldagi me’yoriy-huquqiy hujjatlar hamda texnik talablar asosida bajarildi. Texnologik “OKNO” jarayonlarining sifatli va xavfsiz olib borilishini ta’minlash, shuningdek, ishlarni belgilangan tartibda bajarilishini nazorat qilish maqsadida "Qarshi mintaqaviy temir yo‘l uzeli" filiali rahbariyati tomonidan nazoratga olindi. Nazorat jarayonida bajarilayotgan ishlarning texnologik ketma-ketligi, texnika xavfsizligi qoidalariga rioya etilishi, ishchi kuchi va maxsus texnikalardan samarali foydalanish holati o‘rganildi hamda mas’ul xodimlarga aniqlangan kamchiliklarni bartaraf etish yuzasidan tegishli ko‘rsatmalar berildi. Shuningdek, Qarshi vagon ekspluatatsiyasi uchastkasi filiali Qarshi joriy ta'mirlash bo'linmasida o'rganishlar olib borildi. Joylarda temir yo‘l infratuzilmasi obyektlarining holatini o‘rganish maqsadida ma’muriy binolar, ishlab chiqarish jarayonini ta’minlovchi omborxonalar, xodimlarning malakasini oshirishga mo‘ljallangan o‘quv va mashg‘ulot xonalari, shuningdek, maxsulotlar tayyorlash va xizmat ko‘rsatish bilan shug‘ullanuvchi bo‘linmalar batafsil ko‘zdan kechirildi.