Tadbirkorlar bilan uchrashuv

2026-yil 4-avgust kuni “Qarshi MTU” filiali bilan hamkorlikda ishlovchi Yakkabog' tumani tadbirkorlari ishtirokida uchrashuv bo‘lib o‘tdi. Mazkur uchrashuv “O‘zbekiston temir yo‘llari” AJ boshqaruv raisining tadbirkorlarning murojaat, muammo va takliflarini tizimli o‘rganish hamda joyida hal etishga qaratilgan 136-UN-sonli farmoyishi ijrosi doirasida tashkil etildi. Uchrashuv davomida tadbirkorlar tomonidan bildirilgan taklif va muammolar tinglanib, ularni hal etish yuzasidan qarorlar qabul qilindi. Tadbirda “Qarshi MTU” filiali rahbariyati, "Temiryo'lkargo" AJ Qarshi filiali rahbari hamda tegishli xodimlar ishtirok etib, tadbirkorlar bilan samimiy muloqot olib borildi hamda ularning faoliyatini qo‘llab-quvvatlash masalalariga alohida to‘xtalib o‘tdi.