Harakat xavfsizligi kuni

Yurtimizda ob-havo harorati keskin qizib ketishi kuzatilmoqda. Shu o'rinda, Qarshi MTU filiali hududiga kiruvchi temir yo'l uchastkalar tegishli mas'ul rahbar hamda xodimlar tomonidan tekshirib chiqilmoqda. Jumladan, joriy yilning 15-iyul kuni “Qarshi mintaqaviy temir yo’l uzeli” filiali bosh muhandisi T.J.Xamrayev tomonidan Gumbaz-Maroqand stansiyalar oralig'ida harakat xavfsizligini ta'minlash maqsadida yo‘l xo‘jaligi, elektr ta’minoti xo‘jaligi, aloqa xo'jaligi qurilmalari hamda sun'iy inshootlar, qo'riqlash postlari piyoda tekshirib o‘tildi. Tekshiruv davomida temir yo'l izlarining holati, kontakt tarmog'i, qo'riqlanadigan temir yo'l kesishmalari, signal nuqtalari, elektr qurilmalar, sun'iy inshootlarning holati, panjara to'siqlarining holati ko'zdan kechirildi.