214-sonli Yo'l mashina stansiyasi filialida nazorat ko‘rigi amalga oshirildi

Joriy yilning 29-sentabr kuni “Qarshi mintaqaviy temir yo‘l uzeli” filiali boshlig‘i M.X. Mirzayev raisligida, MTU bo'lim boshliqlari hamda tegishli xodimlar tomonidan 214-sonli Yo'l mashina stansiyasi filialida nazorat ko‘rigi amalga oshirildi. Mazkur tekshiruvdan ko‘zlangan asosiy maqsad – korxonada ishlab chiqarish jarayonida mehnat intizomi, texnik xavfsizlik, harakat xavfsizligi, ishchi-xodimlar uchun yaratilgan sharoitlar hamda texnologik jarayonlarning amaldagi tartiblarga muvofiqligini chuqur o‘rganish va aniqlangan kamchiliklarni o‘z vaqtida bartaraf etishdan iborat bo‘ldi. 💠Ko‘rik doirasida quyidagi yo‘nalishlar bo‘yicha holatlar sinchiklab o‘rganildi: ➡️Ishchi-xodimlar tomonidan mehnat intizomiga rioya etilishi; ➡️Ish texnologiyasining talab darajasida bajarilishi; ➡️Mehnat muhofazasi qoidalariga qat’iy amal qilinishi va xavfsiz ish sharoitlarining yaratilganligi; ➡️Harakat xavfsizligi yuzasidan olib borilayotgan profilaktik choralar samaradorligi. ⚙️Ko‘rik davomida ayrim mavjud muammolar, texnik nosozliklar va tashkiliy kamchiliklar aniqlanib, ularni zudlik bilan bartaraf etish bo‘yicha mas’ul xodimlarga tegishli topshiriqlar va ko‘rsatmalar berildi. Korxona ishchi-xodimlari ishtirokida ochiq muloqot tarzida uchrashuv tashkil etilib, unda xodimlarning kundalik faoliyatida duch kelayotgan muammolar, taklif va tashabbuslari tinglandi. 〰️Suhbat jarayonida bildirilgan barcha fikr-mulohazalar inobatga olinib, mas’ullar tomonidan amaliy yechimlar belgilandi hamda berilgan savollarga atroflicha javoblar qaytarildi.