Qadriyatlaring boqiy boʻlsin, Navroʻz!

Qashqadaryo viloyatida Navroʻz bayrami keng nishonlanib, “Qadriyatlaring boqiy boʻlsin, Navroʻz!” shiori ostida, joriy yilning 19 mart kuni katta bayram tadbirlari oʻtkazildi. Ushbu xalq saylida “TEMIRYOʻLINFRATUZILMA” AJ Qarshi mintaqaviy temir yoʻl uzeli filiali tasarrufidagi korxona va tashkilotlar ham faol ishtirok etdilar.

Bayram doirasida temiryoʻlchi xodimlar oʻrtasida “Milliy qadriyatlar” musobaqalari tashkil etilib, gʻoliblar MTU rahbariyati va Hududiy Kasaba uyushmalari qoʻmitasi tomonidan esdalik sovgʻalari bilan taqdirlandi.

Navroʻz barchaga qutlugʻ kelsin, ezgulik va farovonlik olib kelsin!