Yurtimizdagi yirik eksportyor korxonalar mas'ullari bilan uchrashuv
"Dehqonobod kaliy zavodi" AJ hamda "Uzbekistan GTL" MCHJ zavodida "O'zbekiston temir yo'llari" AJ boshqaruv raisining 17.05.2022 yildagi 448-N sonli buyrug'i ijrosini ta'minlash maqsadida "O'zbekiston temir yo'llari" AJ, "Dehqonobod kaliy zavodi" AJ, "Uzbekistan GTL" MCHJ mas'ullari o'rtasida uchrashuvlar bo'lib o'tdi. Uchrashuvlar yuk ortish va tushirish bilan bog'liq bo'lgan barcha temir yo'l xizmatlarini amalga oshirish bo'yicha samarali hamkorlik qilishda o'zaro faoliyatini muhim jihatlarini belgilab olishga imkoniyat yaratdi. Tashrif davomida uchrashuvlarda ishtirokchilar zavodlarning ishlab chiqarish jarayonlari bilan yaqindan tanishtirildilar hamda zavodlar xodimlari bilan o'zaro fikr almashdilar.
