Qarshi lokomotiv deposida nazorat ko'rigi va xodimlar bilan uchrashuv o'tkazildi
2023 yil 18 oktabr kuni "Qarshi MTU" unitar korxonasi rahbariyati “O‘zbekiston temir yo‘llari” AJ boshqaruv raisi tomonidan berilgan topshiriqlarning ijrosini taʼminlash hamda harakat xavfsizligini taʼminlash maqsadida Qarshi lokomotiv deposiga nazorat ko'rigi o'tkazildi. Nazorat ko'rigi davomida depo ta'mirlash sexlarining joriy holati, ta'mirlash jarayonlari bilan tanishildi.
Kunning ikkinchi yarmida Qarshi lokomotiv deposi ma'muriy bino xodimlari bilan uchrashuv o'tkazildi. Uchrashuvda "O'zbekiston temir yo'llari" Aksionerlik jamiyatida amalga oshirilayotgan transformatsiya jarayoni haqida tanishtirib o'tildi va ishchi xodimlarning fikr, taklif va mulohazalari tinglandi.
