HARAKAT XAVFSIZLIGI KUNI
2025-yil 26-avgust kuni Qarshi mintaqaviy temir yo‘l uzeli filiali rahbari M.X. Mirzayev va tegishli mutaxassislar Qarshi–Qashqadaryo bekatlar oralig‘ini piyoda tekshirib chiqish ishlarini amalga oshirdilar.
Tekshiruv davomida yo‘l infratuzilmasining texnik holati hamda yo'l xo'jaligi, aloqa va signalizatsiya xo'jaligi va elektr ta'minoti xo'jaligi qurilmalari sinchkovlik bilan ko‘zdan kechirildi.
Ayni vaqtda aniqlangan ayrim kamchiliklarni bartaraf etish bo‘yicha joyida chora-tadbirlar belgilandi hamda yo‘lovchi va yuk poyezdlari harakati xavfsizligini ta’minlash uchun muhim qarorlar qabul qilindi.
Bunday rejalashtirilgan piyoda ko‘riklar temir yo‘l tarmoqlarining barqaror va xavfsiz ishlashini ta’minlashda muhim omil bo‘lib xizmat qiladi.
